Det lokale el-tilsyn (DLE)

Austevoll Kraftlag SA er pålagt å føre tilsyn med alle elektriske installasjonar i vårt konsesjonsområde.

Vi er pålagt av Direktoratet for samfunnssikkerhet og beredskap (DSB) å kontrollere minimum 5% av einebustadar og hytter, samt 10% av industri, skular, helseinstitusjonar, landbruk, fiskeoppdrett m.m. kvart år.

Hovudoppgåva til det lokale elektrisitetstilsyn (DLE) er å drive med elektrisitetstryggleik. Dette vert utført ved å kontrollere anlegga, samt å informera om elektrisitetstryggleik. Det vert også utgjeve eit tidsskrift. “Vår energi” til samtlege kundar.

Austevoll Kraftlag SA har per 01.11.2021 4648 nettkundar.

DLE oppfordrar kundane om å ta ein sjølvkontroll av anlegget sitt med jamne mellomrom. Dersom ein finn brente kontaktar, opne spenningsførande delar eller liknande, må ein kontakte DLE ved Austevoll Kraftlag på telefon 55 08 00 00 omgåande.

I dag er denne kontrollen gratis.

DLE tilbyr informasjon og råd til nettselskapets kundar, skuleungdom og elektrobransjen om elsikkerhet og om årsakar til brannar og ulykker med elektrisk årsak.

For meir informasjon klikk på lenkene under:
–    Det lokale eltilsyn
–    What is DLE?
–    Tilsyn med bustader og hytter
–    Tilsyn med verksemder
–    Tilsyn med elektro verksemder
–    Bekymringsmelding
–    Elsikkerhetsportalen
–    Lading av elbil 
–    Svar på nokre vanlege spørsmål

På tide å bytte ut røykvarslarane dine?

1. desember er Røykvarslardagen. Røykvarslardagen er eit samarbeid mellom brann- og feiarvesenet, Det lokale eltilsyn, Norsk brannvernforening, Gjensidige og Direktoratet for samfunnstryggleik og beredskap.

Levande lys, peiskos, matlaging og meir bruk av elektrisk utstyr utgjer ein ekstra risiko i juletida. Gjer det difor til ein hugseregel å teste røykvarslarane og byte batteri ved behov på Røykvarslardagen 1. desember.

– Alle bustader og hytter skal ha røykvarslarar og du må ha minst éin varslar i kvar etasje. Alarmen skal kunne høyrast tydeleg på opphaldsrom og soverom, også når døra mellom romma er stengd, seier tilsynsingeniør Jarle Vae ved Austevoll Kraftlag SA.

Test røykvarslaren
Test røykvarslaren ved å halde ”test-knappen” inne nokre sekund. Røykvarslaren skal då byrje å pipe. Om han ikkje gjer det, må du byte batteri og gjenta testen, eventuelt kjøpe ny varslar. Om røykvarslaren gjev frå seg korte pip, vil det seie at batteriet byrjar å bli dårleg. Då må du byte batteriet med ein gong. 

Bruk gjerne Røykvarslardagen til å hjelpe nokon som ikkje greier å teste eller byte batteri sjølv. Ein ny røykvarslar kan også vere ei fin førjulsgåve. 

– Vi tilrår seriekopla røykvarslarar, slik at alle varslarane pip samstundes ved brann. Dette kan gje deg verdifull tid til å evakuere, til dømes om ein brann startar i kjellaren og du søv i andre etasje. Det kan vere med på å redde liv, seier Vae.

Bør testast jamleg 
Ein bør normalt byte røykvarslarar etter åtte til ti år. I rom med mykje støv og skit kan detektoren bli ustabil og gje falske alarmar, fordi sensoren blir skiten eller støvete. I slike miljø vil levetida til røykvarslaren vere kortare. Røykvarslarar er EE-avfall som ein ikkje skal kaste i søpla. Gamle røykvarslarar kan leverast gratis til forhandlarar og til din lokale attvinningsstasjon.

– Røykvarslarar bør ein teste jamleg og kvar gong du har vore bortreist over lengre tid, seier Vae.
På røykvarslerdagen.no finn du nyttig informasjon om tiltak som betrar branntryggleiken.

Riktig plassering av røykvarslarar:
– Røykvarslarar skal monterast på høgaste punkt i taket og minst ein halv meter frå veggen.
– Ha minst ein røykvarslar i kvar etasje.
– I bustader med fleire etasjar bør du plassera røykvarslarar i nærleiken av trappene, slik at lyden frå alarmen bær lettare gjennom etasjane.
– Du bør minst ha ein røykvarslar per 60 kvadratmeter.
– Avstanden mellom to røykvarslarar bør ikkje være større enn 12 meter.
– Har du ein bustad med mange rom eller fleire etasjar bør du ha seriekopla røykvarslarar. Då pip alle varslarane samstundes ved brann.
– Vel optisk røykvarslar. Dei fleste bustadbrannar startar som ulmebrannar, og då er optiske røykvarslarar best.
– Det er forhandlarane som er ansvarlege for at røykvarslarane dei sel er produserte i samsvar med regelverket. Det du må sjekke, er at varslaren er CE-merka. 

Kontakt:
Jarle Vae, tilsynsingeniør ved Austevoll Kraftlag SA, Mob. 47468154